October edition sa CEPCA monthly chessfest duwaon karon
CEBU, Philippines - Ang October edition sa binulang torneyo sa Cebu Executives and Professionals Chess Association (CEPCA) ipadayon karong adlawa diha sa Handuraw Pizza sa Gorordo Avenue, ning siyudad.
Ang 5-round Swiss system tournament sugdan karong ala-1 sa hapon.
Si CEPCA sports committee chairman Jun Olis miingon nga ang kompetisyon nag-init ilabi nga duha na lang ka luna ang
nahabilin alang sa "Magic 12" nga magtigi sa grand finals nga gikatakda karong Disyembre sa wala pa matinong binyu.
Ang modaog karon makig-uban sa nakasulod na nga silang Jong Melendez, NM Arnold Cadiz, Percival Fiel, Maggi Dionson,
Manuel Abucay, Jun Kidlat, Peterson Sia, Rey Flores, Freddie Casagan ug Harrison Chua.
Ang presidente sa CEPCA nga si Jojo Moralla gipaabot nga motambong sa maong kalihukan uban sa founder niining si Boy
Pestaño ug umaabot nga presidente nga si Engr. Jerry Maratas sa Jemar Engineering Services. (BANAT NEWS)
- Latest
