Pink October Run alang sab sa mga biktima sa linog

CEBU, Philippines - Miabot na sa dul-an usa ka libong runners ang nakaparehistro alang sa 7th Pink October Run karong Domingo nga magsugod ug matapos diha sa Terraces grounds sa Ayala Center-Cebu.

 Gi-organisar sa Philippine College of Surgeons (PCS) ug sa Philippine Society of General Surgeons (PSGS)-Cebu Chapter, ang lumba dili lang para sa breast cancer awareness, kun dili higayon usab kini alang sa mga kaigsuonang Sugbuanon pagtabang sa mga biktima sa kusog nga linog nga miigo sa Bohol niadtong Martes sa buntag.

 Si Joel Baring sa Sports and Fitness Enthusiasts (SAFE) nga maoy pangu sa technical committee sa kalihukan, miingon nga si lead organizer Dr. Peter Mancao mipadayag nga aduna sila'y ibutang nga donation booth sa binyu. Ang mga donasyon mahimong kuwarta ug gawi.

 Ang registration fee nagkantidad og P300 sa tanang tulo ka race distances -- 3K, 6K ug 12K, libre na niini ang singlet, race bib ug post-race snacks.

 Gumikan kay limitado ang singlets, ang ubang indibidwal mahimo gihapon nga moapil  sa charitable race sa ubos na nga entry fee.