Snipers nagsolo karon sa liderato sa 2013 PICPA basketball tourney

CEBU, Philippines - Gilubong sa  PICPA Snipers nga gipangulohan ni Alvin Zabala ang PICPA Intangibles, 68-44   aron magsolo sa liderato sa Philippine Institute of Certified Public Accountants (PICPA) 2013 basketball tournament niadtong Domingo didto sa USP Lahug gym.

 Ang PICPA Snipers ni coach  Jojo  Romarate mitapos sa elimination round sa ilang 7-3 nga baraha.

 Hugot nga depensa maoy gipatuman sa Snipers aron ilogon ang momentum human mabiyai og siyete puntos sa first period, 12-19.

 Ang mainitong tandem nilang Zabala ug Jacon Bonsucan aron hatagan ang Snipers og 52-37 nga abante  sa fourth quarter.

 Si Zabala miiskor og 17 puntos samtang si Bonsucan adunay 16 puntos. Sila si Benedict Bandala ug Arjam Bonsucan nagkumboya og 25 puntos.

 Ang Intangibles gipangulohan ni Rendol Judilla, kinsa miposa sab og 17 puntos, samtang sila si Karl Leyson ug Del Bajarias nagkumboya sab og 25 puntos.

 Sa laing duwa,  ang Phoenix miihaw sa PICPA Bulls, 61-53 alang sa ilang ikaunom sa siyam ka duwa.

 Ang Wildcats ni Atty. Reiner Mora naka-eskapo sa Hoopers ni Yoly Meso sa  iskor nga 52-51.

 Si Benson Romero, kinsa maoy nahimong bayani sa maong duwa mao sab ang topscorer sa kadaugan pinaagi sa iyang 25 puntos, gisundan ni Jade Labaya  sa  iyang 12 puntos.

 Ang Hoopers gipangulohan ni Jonar Torres nga mirehistro og 15 puntos, samtang   silang Andre Tocao ug Dondon Santiago nagkumboya'g 26 puntos.

Puntos matag usa

Unang duwa:

 SNIPERS (68) - Zabala 17, J. Bonsucan 16, Bandala 15, A. Bonsucan 10, Sembrano 10

 INTANGIBLES (44) - Judilla 17, Leyson 17, Bajarias 12, Degolacion 2

Ikaduhang duwa:

 PHOENIX (61) - Padios 16, Cabanelez 13, Judaya 10, Piape 9, Lusica 9, Estrella 2, Hoylar 2

 BULLS (53) - Endrina 20, Yap 12, Ibo 11, Ju. Makinano 6, Je. Makinano 4

Ikatulong duwa:

 WILDCATS (52) - Romero 25, Labaya 12, Trocio 8, Mora 4, Huyo-a 3

 HOOPERS (51) - Torres 15, Tocao 14, Santiago 12, Prosia 8, Veltran 2 (BANAT NEWS)