PBA opener sa Cebu

CEBU, Philippines - Makasaksi na sab og laing   kulbahinam nga basketball action ang Cebuano hoop fans sa dihang ang managsuong koponan Meralco Bolts ug Talk N' Text Tropang Texters magsangka sa simultaneous opening salvo sa PBA Philippine Cup sa Nobiyembre 17 diha sa Cebu Coliseum.

 "This is part of the three simultaneous PBA games that will be played in different venues during the opening of the Philippine Cup,"  matud pa ni Juvy Brigoli, usa sa mga organizers.

 "Aside from Cebu, another game will be held in Panabo in Davao and one in Manila."

 Angay atngan ang sangka sa duha ka koponan ilabi na nga pulos kini mipalig-on sa ilang tagsa-tagsa ka line-up ilabi na nga gikan lang kini sa usa ka three-team trade uban  sa   Air21 Express.

 Ang semifinalist sa miaging Governor’s Cup nga Meralco napun-an og bigmen human nila makuha si Rabeh Al-Hussaini gikan sa Talk N’ Text ug veteran Nelbert Omolon gikan sa Air21.

 Kini mosamot pagpadaku sa kahigayonan sa Bolts nga makuha na ang labing una nilang finals  appearance ilabi na nga anaa  na  usab  nila  ang  banggiitang  scorer  nga  si   Gary David.

 Si David napunta sa Meralco uban si rookie AJ Mandani gikan sa Global Port bugti nila ni Chris Ross ug Chris Timberlake.

 Sa ilang bahin, ang Talk N’ Text mamawi human sa ngil-ad nilang kampanya sa miaging conference diin mitapos sila sa ilawom nga bahin sa standing sa ilang 3-6 win-loss record.

 Gipangulohan sa upat ka mga sakop sa Smart Gilas nga sila si Jimmy Alapag, Jayson Castro, Ranidel de Ocampo ug Larry Fonacier, ang Tropang Texters andam na nga moangkon sa ikaunom nilang PBA title ug ikaduhang All-Filipino Cup trophy.

 Iparada sa Texters ang bag-o nilang mga players nga nakuha sa trade nga sila si kanhi "Rookie of the Year" Noy Baclao, Eric Salamat ug Fil-American forward Rob Reyes. (BANAT NEWS)