Pecandela, Eagles nagsawo sa liderato

CEBU, Philippines - Midaog sa ikaduhang higayon ang Pecandela Law Firm, ning  higayona batok  sa Primos-Rama, 65-56 samtang   ang Eagles mibihag sa Dissenters, 76-55 sa nagpadayong 11th   IBP-2013 Basketball League niadtong  Sabado didto sa Capitol Parish Gym sa dan Escario, ning dakbayan.

Ang maong kadaugan naghatag sa Pecandela ni coach Mark Russ  Gamallo ug Eagles ni Atty. Kit Enriquez og 2-0 nga baraha ug nagsawo sa liderato sa maong torneyo nga gipaluyohan sab sa Pages Holdings  Inc., Nature’s Spring Water ug Wellcome Hotel.

Ang Pecandela milabaw  sa halftime, 31-25 ug miburot kini   ngadto sa 10 puntos, 45-35 pagsugod sa fourth quarter.    Mihulga ang Primos ni Atty. Enric Rama sa fourth period dihang nangigo si Cebu City Mayor Mike Rama diin mikadlit kini og 12 ka sunod-sunod nga puntos aron mosikit,  56-60.

Silang Francis Pepito ug Sam Malazarte maoy nangu sa Pecandela nga nagkumboya og 29 puntos, samtang ang kanhi sentro sa USPF Panther nga si Rex Mangubat ug Mayor Rama maoy nangu sa Primos sa ilang 15 ug 12 puntos matag usa.

Sa laing bahin, nabihag sa Eagles ang Dissenters nga gipangulohan ni kanhi UC Webmasters pointguard Kenneth Kern Sesante, 76-55.

Si Marvin Miralles maoy nangu sa Eagles sa iyang 20 puntos, samtang si   Rene Canta miamot og 18 puntos.

Gipangulohan sab ni Sesante ang Dissenters pinaagi sa iyang 19 puntos, gisundan  ni Jun Pintor nga adunay 14 puntos.

Sa lain pang mga duwa, ang Pañeros naka-eskapo batok sa  YLAC, 51-50 ug ang Super Idols milubong sa Los Demonyos, 61-38

PUNTOS MATAG USA

Unang duwa:

PECANDELA (65) - F. Pepito 15, Malazarte 14, Tenefrancia 10, Yu 6, Pacuribot 6, Tomaodos 6, I. Gamallo 4, Cañete 2, Godornes 2

PRIMOS (56) - Mangubat 15, Mike Rama 12, E. Rama 5, Lopez 4, Nollora 4, Paduga 4, Ml. Rama 4, N. Rama 2, Pascua 2, Tabotabo 2, Es. Rama 2

Ikaduhang duwa:

EAGLES (76) - Miralles 20, Canta 20, Santos 18, Solis 7, Lagahit 6, Abcede 4

DISSENTERS (55) - Sesante 19, Pintor 14, Asis 8, Mi. Sarno 4, Velez 3, Sususco 2, Rosal 2, Marquez 2, Sucalit 1

Ikatulong duwa:

PAÑEROS (51) - Busi 16, Molde 8, Juban 6, Sojorn 5, Ordiniza 5, Balorio 4, Cabilte 3, Manching 2, Aliño 2

YLAC (50) - Ligutan 10, Remedio 10, Verallo 9, Guieb 9, Ang 4, Hupp 4, Gealon 4

Ikaupat nga duwa:

IDOLS (61) - Arrabis 20, Macion 17, F. Pepito 13, B. Pepito 7, Piquero 4

 DEMONYOS (38) - Ortiz 10, Dumon 10, Riveral 6, Flores 4, Narido 4, Capahi 2, Esmeralda 1