USC daog sa SBP Passerelle Regionals
CEBU, Philippines - Ang University of San Carlos SBP ug Passerelle teams miiskor og daog pagsugod sa Visayas Regional Finals sa BEST Center SBP Passerelle Twin Tournament nga gipaluyohan sa Milo didto sa Iloilo Sports Complex.
Ang USC SBP team mipukan sa Ateneo de Iloilo (AdI), 57-43, samtang ang USC Passerelle milubong sa AdI, 61-41.
Ang USC SBP gilubong sa first period, 4-20 ug sa halftime, 32-18.
Napukaw ang Baby Warriors sa third period sa giya ni Juan Climaco, kinsa mipataroy og tulo ka three-pointers aron mosikit, 38-39 paingon sa fourth period.
Ang USC milusad og 15-0 run aron sakmiton ang labaw, 53-39 sa nahabiling 3:40 sa duwa.
Si Joseph Berdin maoy nangu sa USC sa iyang 23 puntos samtang ang host nga AdI gipangulohan ni Val Deano sa iyang 10 puntos.
Sa ilang bahin, ang USC Passerelle wala kaayo maglisud kay ilang nalupig ang AdI sa tanang departamento.
Ang USC milansang og 48-34 nga labaw sa third quarter sa pagtimon ni John Galinato, kinsa maoy nangu sa team human siya moposa'g 14 puntos.
Si Roel Diaz mao usab ang nangu sa AdI sa iyang 12 puntos.
Ang Visayas Regional Finals maoy modeterminar kun kinsa ang morepresentar sa Visayas ngadto sa national finals sa 28th edisyon sa SBP Passerelle tournament nga gipaluyohan sab sa RCBC Savings Bank.
Ang mosalmot sa Visayas regional finals sa SBP division mao ang USC, AdI, CPC sa Roxas ug ang USLS sa Bacolod. Ang Passerelle division local champions mao ang USC, AdI, USLS sa Bacolod ug CSJR.
- Latest
