Team Rama, MP Customs mag-ilog sa AMBL title

CEBU, Philippines -  Milahos gyud sa finals ang Team Rama   ug  MP Customs     sa AMBL Basketball Club human sila midaog batok sa tagsa-tagsa

nilang mga kaatbang niadtong Lunes didto sa Vicente Sotto Memorial Gym sa Brgy. Punta Princesa, ning siyudad.  

 Ang Team Rama ni  Jingjing  Rama mipalagpot sa   Blessel Enterprises ni Edgar Camota sa iskor nga 118-108,  samtang ang MP

Customs ni Marty Pimentel  mitagak sa  RCAF ni Romy Faunillan, 96-86 aron maoy mag-abot sa finals nga himuon karong gabii.

 Ang kanhi PBA cager nga si Bonel Balingit maoy nangu sa Team Rama pinaagi sa iyang 23 puntos, gisundan ni Rama sa iyang

20 puntos  ug   ex-pro Danny Aying nga adunay 19 puntos lakip ang lima ka three-pointers.

 Silang Ope Abellana ug Lito Fuentes nagkumboya'g 28 puntos alang sa maong kadaugan.

 Sa iyang bahin, si  Ralph Bruzon mao usab ang nangu sa Blessel Enterprises nga mipabuto og 22 puntos, silang  Roy Galon,

Glen Birao, Erwin Ferrer ug Rene Grafe  miamot og double figures.

 Sa laing duwa, ang MP Customs gipangulohan nilang Rommel Hapin ug Roy Amado nga nagkumboya og 44 puntos. Miamot

sab og double digits silang Dindo Sausa,  Lou Regidor ug Montoy Singson.

 Si Freddie del  Campo miburak og 17 puntos, samtang si Rommel Garcia mibahog og 14 aron pangulohan ang  RCAF.

 Ang liga nga gipasiugdahan sa magtiayong Allan Lim, gipaluyohan sa Du Ek Sam (DES) Inc. ug LG Appliance Master.

puntos matag usa

Unang duwa:

 TEAM RAMA (118) - Balingit 23, Rama 20, Aying 19, Abellana 17, A. Fuentes 18, L. Fuentes 11, Dejos 4, Navarro 4, Vidal 4,

Balaba 2

 BLESSEL (108) - Bruzon 22, Galon 17, Birao 16, Ferrer 14, Grafe 13, Lastimoso 7, Ortega 6, Maraño 4, Camota 4, Lawas 2, Ocampo

2

Ikaduhang duwa:

 MP CUSTOMS (96) - Hapin 24, Arnado 20, Sausa 19, Regidor 15, Singson 10, Gastador 7, Rodil 7, Pua 6, Mata 2

 RCAF (86) - Del Campo 17, Garcia 14, Sumargo 12, Nacua 10, Tabasa 8, Escala 6, Baclay 4, Dinampo 2, Licanda 2, Ciabo 1 (BANAT NEWS)