PSC nagyabang sa pondo para sa SEAG

MANILA, Philippines - Hindi magiging proble­ma ang gastusin sa pagpa­padala ng pambansang ko­ponan para sa Southeast Asian Games sa Myanmar.

Bukod sa P30 milyon na inilaan ng PSC para sa taong ito, puwede ring ku­­mu­ha ang ahensya sa pe­­rang nasa bangko na na­sa mahigit P300 milyon.

Nilinaw ni PSC chairman Ricardo Garcia na ang savings na ito ay mga ‘ob­ligated budgets’ na hindi nai­bigay sa mga NSAs da­hil sa mga unliquidated ex­penses.

Kasama sa puwedeng ga­mitan ng pera ng PSC ay ang gastusin sa pagpa­padala ng koponan sa ma­lalaking torneo katulad ng SEA Games sa Disyembre bukod pa sa renovations sa mga pasilidad.

Kasabay nito ay iniha­yag ni Garcia ang pagkaka­roon ng PSC ng P214 mil­yong pondo galing sa Ge­neral Appropriations Act (GAA).

Ang halagang ito ay mas mataas kumpara sa P207 milyon na natanggap ng ahensya sa taong ito.

Ang pera sa GAA ay gi­nagamit sa pang araw-araw na operasyon ng PSC.

Bukod sa GAA, ang PSC ay mayroon ding pondo na nakalagak bilang National Sports Development Fund (NSDF) na galing sa kontribusyon ng PAGCOR.