Desuyo, Agura wagi sa Run United

MANILA, Philippines - Kinuha nina Rene Desuyo at Janette Agura ang mga titulong hindi idinepensa nina Irineo Raquin at Christabel Martes nang pa­ngunahan ang mga locals sa idinaos na 2nd Run United Philippine Marathon kahapon sa SM Mall of Asia sa Pasay City.

Tinabunan ng 29-anyos tubong Bago City, Negros Occidental na si Desuyo ang winning time ni Raquin noong nakaraang ta­on na 2:42:22 sa kanyang 2:33:49.56 para iwa­nan sina Elkin John Quinto (2:44:25.36) at Mario Mag­linao (2:48:53.85).

Sa tindi ng takbo ni Desuyo, siya ang lumabas bilang ikalawang pinakama­tuling runner sa kalalakihan kasunod ng Kenyan na si Jackson Chirchir na nagdo­mina sa foreign division sa 2:27:42.37 oras.

Nangailangan ng mala­kas na pagtatapos ang 35-anyos na si Agura para maisantabi ang hamon ni Jocelyn Elijeran sa local female category sa karerang inorganisa ng Unilab Active Health sa pangunguna ni Alex Panlilio.

May 3:35:35.90 oras si Agura laban sa 3:36:11.24 ni Elijeran, habang pu­mangatlo si Gella Mayang sa 3:53:46.94 oras.

Winalis ng Ken­ya ang ti­tulo sa foreign divisions nang manalo si Susan Jemutai sa 3:24:22.44 oras.

Sina Douglas Mwitti (2:34:21.35) at Philip Rono (2Z:48:30.98) ang puma­ngalawa at pumangatlo sa kalalakihan.