"X-mas Dayon-Dayon Volleyball 2013" gitakda

CEBU, Philippines - Karon nga nanimaho  nang Pasko, ang Barangay Basak sa Lapu-Lapu City,  mopahigayon sa labing una nilang  "X-Mas League

Dayon-Dayon Volleyball 2013" nga gikatakdang sugdan karong Oktubre 20 didto sa ilang barangay gym sa nahisgutang dakbayan.

 Matud pa ni Greg Ledama, ang chairman/organizer sa  maong kalihukan, ang  torneyo bukas alang niadtong buot mosalmot.

 "Open tournament ni siya, bisan asa nga lungsod mahimong moapil. Duha ni ka  kategoriya  ang  class A  kadtong mga  best

players  ug class B nga arang-arang o kahibalo moduwa," matud ni pa ni Ledama.

 Ang matag kategoriya gibuak ngadto sa tulo --  3-ball, double ug single.

 Ang registration sa class A category mao ning mosunod, P600 sa 3-ball, P500 sa double ug P300 sa single, samtang sa class B,

P500 sa 3-ball, P400 sa double ug P200 sa single.

 Gawas sa "Dayon-Dayon", aduna say volleyball open  tournament alang sa mga  babaye.

 Aduna kini registration fee nga P1,500.

 Ang deadline sa pagduso sa line-up hangtod lang sa Oktubre 19, 2013.

 Ang torneyo pagaduwaon matag adlaw'ng Sabado ug Domingo gikan sa ala-1:30 hangtod sa alas-5 sa hapon. Gitakda kining

mahuman sa  Disyembre 22, 2013.

 Alang sa dugang mga pakisayod sa maong kalihukan, mahimong mokontak ni league  chairman/organizer Greg Ledama sa

09335088260, 340-4308 o di ba 340-8447.

 Uban ni Ledama sa pagpadagan sa torneyo mao ang iyang assistant nga si Jeffrey Soroño ug nilang Nelia Berdida, Edwin Linao,

Jessie Pahugot, Joel Mahusay ug Tirso Nagac. (BANAT NEWS)