Mayor Rama mipauwan og 20 ka triples sa iyang 68 puntos

CEBU, Philippines -  Wala mosalir ang gidak-on ni ex-PBA cager Bonel Balingit dihang nalupig kini sa scoring batok ni Cebu City Mayor Mike Rama

atol sa ilang exhibition game niadtong Sabado sa gabii didto sa barangay Suba, Pasil.

  Si  Mayor Rama  mibahog og 68 puntos lakip na niini ang 20  ka three-pointers aron pangulohan ang Green Team (Team Rama)

ngadto sa 124-103 nga kadaugan batok sa Yellow Team nga gipangulohan ni Balingit.

 Tungod sa kainit sa mga kamot ni Mayor Rama, wala na kinahanglana pa ang dugang puntos gikan sa lain nilang tirador nga si

Danny Aying.

 Ang kanhi-UV Lancer nga si Rene Toring midugang og 15 puntos alang sa Team Rama.

 Si Balingit maoy nangu sa Yellow Team-Jingjing Compound nga miiskor og 40 puntos. Gisundan ni Jingjing Rama nga miposa'g

19 puntos, samtang si ex-Jaguar nga si Eliezer Saramosing midugang og 17 puntos.

 Ang head coach sa University of San Carlos (USC) Baby Warriors nga si Britt Reroma igo lang miamot og dos puntos alang sa

Jingjing Compound. Ang iyang coaching staff nga si Vernini Tangarorang miiskor og sayes puntos.  Ang bigman ug ex-Cobra nga si Cesar

Ortega mitampo'g nuybe puntos.

puntos matag usa

 Team Rama (124) - Rama 68, Toring 15, B. Miñoza 10, Jueves 9, Magan 8, Mabatid 8, Aniñon 6, Cabañero 4, C. Reyes 2, Aying  2,

Y. Reyes 2, Miñoza 2

 Jingjing COMPOUND (103) - Balingit 40, J. Rama 19, Saramosing 17, Ortega 9, Tangarorang 6, Reroma 2, Navarro 2 (BANAT NEWS)