Phoenix, Snipers nakabihag

CEBU, Philippines -  Midaog ang Phoenix ni skipper Melvin Judaya ug ang PICPA Snipers batok sa tagsa-tagsa nila ka kaatbang sa nagpadayong

Philippine Institute of Certified Public Accountants (PICPA) 2013 basketball tournament  didto sa Eladio Villar Memorial gym sa barangay

Lahug, ning dakbayan.

 Ang Phoenix midaog batok sa Hoopers team ni Yoly Meso sa iskor nga 65-55, samtang ang PICPA Snipers nga gipangulohan ni

Arjam Bonsucan mipukan sa PICPA Bulls ni team captain Art Flores, 61-55. 

 Milabaw ang Bulls og sayes puntos, 16-10 sa first period sa tandem nilang Edlin Endrina ug Art Flores, apan mibawos ang

Snipers pinaagi sa ilang 22-16 run gikan sa mga puntos nilang Jacon Bonsucan, Benedict Bandala ug Alvin Zabala aron tablahon

ang duwa sa halftime, 32-all.

 Sa third period, ang Snipers mao na kanunay ang naglabaw dayon kulit sa  ikaunom nilang daog.

 Silang Bonsucan ug Bandala nagkumboya og 27 puntos alang sa PICPA Snipers  nga nagbitbit na og 6-3 nga baraha.

 Si Endrina mao usab ang nangu sa Bulls sa iyang game-high 20 puntos, samtang silang   Flores ug Ryan Alejandre mihimo sab

og double figures.

 Sa sayo pa, sila si Lusica ug Judaya nagkumboya og 28 aron pangulohan ang Phoenix, kinsa nagbitbit og 5-3 nga baraha.

 Samtang ang three-point artist nga si Lito Ortiz ug Jonar Torres miposa og 15 ug 14 puntos matag usa alang sa Hoopers nga

adunay  4-4 win-loss record.

puntos matag usa

Unang duwa:

 PHOENIX (65) - Lusica 16, Judaya 12, Hoylar 11, Padios 10, Cabonelez 9, Estrella 2

 HOOPERS (55) - Ortiz 15, Torres 14, Cadungog 10, Prosia 8, Pascua 6, Prieto 2

Ikaduhang duwa:

 SNIPERS (61) - J. Bonsucan 15, Bandala 12, Zabala 11, A. Bonsucan 10, Balucan 4, Cuadra 3, Marco 2, Seno 2, Bauzon 2

 BULLS (55) - Endrina 20, Flores 12, Alejandre 11, Makinano 8, Arquillano 2 (BANAT NEWS)