MP Customs misakmit sa liderato sa 40-above 2013 AMBL caging

CEBU, Philippines -  Yano kaayong gipukan sa MP Customs nga gipangulohan ni ex-pro Lou Regidor ang ilang karibal nga Blessel Enterprises ni

Edgar Camota, 97-80 sa 40-above division sa 2013 AMBL Basketball Cup niadtong Biyernes sa gabii didto sa Vicente Sotto Memorial Gym

sa barangay Punta Princesa, ning dakbayan.

 Sa maong kadaugan, nasakmit sa MP Customs ang solong liderato sa ilang 6-1 nga baraha.

 Ang tandem nilang Regidor ug laing ex-pro nga si Montoy Singson maoy nagtimon sa opensa sa MP Customs kinsa maoy

naglabaw sa halftime, 46-40.

 Mihulga ang Blessel pinaagi nilang Frankie Lastimoso ug Ralph Bruzon, apan wala gyud nila kapugngi ang MP  Customs nga

dali kaayong nakainat sa ilang labaw ngadto sa nuybe puntos pagsugod sa fourth period.

  Na-outscore sa MP Customs ang Blessel didto sa fourth quarter, 20-17 alang sa  66-57 nga abante gikan sa puntos nilang Dindo

Sausa ug Julius Gastador.

 Si Sausa maoy nangu sa MP Customs sa iyang 27 puntos, samtang si Singson miabuno'g 20 puntos.

 Silang Lastimoso ug Bruzon mao usab ang topscorers sa Blessel Enterprises nga miburak og 18 puntos matag usa, gisundan ni

Glenn Birao nga adunay 10 puntos.

 Ang liga gipaluyohan sab sa Du  Ek Sam (DES) Inc. ug sa LG Appliance. (BANAT NEWS)

PUNTOS MATAG USA

 MP CUSTOMS (97) - Sausa 27, Regidor 20, Gastador 19, Pua 16, Singson 13, Garcia 2

 BLESSEL (80) - Lastimoso 18, Bruzon 18, Birao 10, Lawas 6, Galon 6, Maraño 5, Camota 5, E. Ferrer 4, Ortega 4, Ocampo 2