Petronas-Yamaha riders MIratsada sa nat'l finals

CEBU, Philippines -  Misidlak ang bitoon sa   masaarong riders gikan sa Team Petronas-Mackyworx-Yamaha sa pagpangulo ni  Vingie Coloma  atol sa MotoROC (Race of Champions) National Finals niadtong weekend didto sa Aseana City sa Manila.

 Si  Coloma,  22-anyos    maoy mikubit sa labing daku nga daog sa iyang racing career human niya gidominar ang 4 Automatic Scooter 160 expert.

 Mahulog nga giangkon sa    Petronas-Yamaha ang unang duha ka dapit gumikan kay ang teammate ni Coloma nga si Clifford Bacus midaog sa first runner-up honors.

 "The win came as a big surprise for me. I really did not expect to take home the champion's trophy because I was up against the country's top riders," matud pa sa taga- Davao City nga si Coloma, kinsa gipaluyohan sab sa Racing Boy, Yushimura, DID ug FDR Tires.

 Sa laing bahin, ang garbo sa Dumaguete nga si Axl Teves, nalandig sa ikaduha sa 4 Automatic Scooter 160 novice class, samtang si Enzo Teves napunta sab sa ikaduha sa 115cc Super  Stock novice division.

 Sa wala pa ang dakung kalampusan sa MotoROC grand finale, ang Petronas-Yamaha stalwarts miarangkada sa ilang tagsa-tagsa ka dibisyon sa laing dakung kalihukan nga ilang giapilan nga naglakip sa back-to-back legs sa Visayas-Mindanao Regional Underbone Grand Prix (RUGP) Series, ang labing bag-o gihimo sa miaging bulan didto sa Gaisano Countrymall parking lot.

 Tulo ka semana ang nakalabay,  nidominar usab sila atol sa Cebu qualifying sa MotoROC.

 "I am very thankful to God for giving us this series of victories. Our profound gratitude also goes to our sponsors for their all-out support that inspires us along the way,"  matud pa ni Petronas-Yamaha team consultant Neil Labrador sa press conference kagahapon didto sa  Porto's Diner & Grille sa Escario Central.

 Lain na usab nga misyon ang nagpaabot sa Team Petronas-Yamaha dihang manulong sila ngadto sa Bayawan City sa Negros Oriental karong Huwebes alang sa fifth leg sa Vis-Min RUGP Series nga gitakda karong weekend.

 "I will be bringing in eight riders and 11 motorcycles to Bayawan so our chances of reaping more honors once again are bright,"  matud pa ni Labrador, kansang  team hugtanong gisuportahan  sa Petronas Phils. ug Yamaha uban sa Motoworld, LS2 Helmets, Suzuki Phils., NCX Mufflers, MTRT, MS Motosuit, Izumi ug Porto's Diner & Grille. (BANAT BALITA)