Fatima, Maguikay daog dayon

 CEBU, Philippines - Nakaikyas ang Fatima cagers gikan sa mga kamot sa team Tokyo, 53-51 samtang  ang Maguikay Centro mipukan sa

Calderohan-Yamog, 41-34  niadtong Sabado sa pagbukas sa Jonher Espina-SK Friendship Cup 2013 Inter-Sitio basketball tournament nga

didto ipahigayon sa Mormons open court sa barangay Maguikay, dakbayan sa Mandaue.

 Sayong naglabaw ang Fatima pinaagi sa opensa nilang Boy Villarta ug Bong Pepito diin ilang gitapos ang halftime, 28-22.

 Nahimong sikit ang duwa sa kinatibuk-ang fourth period diin nagbanos-banos og labaw ang duha ka kampo hangtod nga  si

Pepito mipasulod sa iyang winning basket alang sa Fatima.

 Si Pepito mihimo sa iyang game-high 23 puntos aron maoy mangu sa Fatima, samtang  si Villarta mitampo'g 12 puntos.

 Ang pilderong team Tokyo gipangulohan ni  Joe Rojas nga miiskor og 18 puntos, gisundan ni   Dong Laspoña nga adunay 15

puntos.

 Sa laing duwa,  Calderohan-Yamog  gipangulohan nilang Tata Flores ug Renato Abing nga nagkumboya og 25 puntos.

 Si Sam Jumuad mao lang ang nakaiskor og double figures alang sa Calderohan pinaagi sa iyang 10 puntos. (BANAT NEWS)

PUNTOS MATAG USA

Unang duwa:

 FATIMA (53) - Pepito 23, Villarta 12, Aluba 8, Flores 4, Lavador 4, Prahinog 2

 TOKYO (51) - Rojas 18, Laspoña 15, Binagatan 4, Royeras 4, Pantonial 4, Booc 2, Gumera 2, Rojas 2

Ikaduhang duwa:

 MAGUIKAY (41) - Flores 15, Abing 10, Pantinople 6, Aluba 4, Cabahug 2, Pensergo 2, Iway 2

 CALDEROHAN (34) - S. Jumuad 10, Escanobas 8, Maloloy-on 6, B. Jumuad 6, Ocenar 4