HLY-Friends, Park 'N Go mag-ilog sa kampiyonato

CEBU, Philippines - Ang HLY-Friends ug ang Park 'N Go Bakeshop maoy mag-abot sa kampiyonato sa Power Forty President's Cup basketball tournament.

 Kini dihang ilang gipilde ang  tagsa-tagsa nilang karibal niadtong Martes didto sa Inayawan Sports Complex.

 Si  Wilbor Cabrera  mihimo'g career-high 43 puntos aron pangulohan ang HLY-Friends pagpalagpot sa Water Market, 133-104, samtang ang Park 'N Go mipakaging sa AMBL, 104-95 aron sakmiton ang katapusang luna sa finals.

 Mihimo sab og career-high    nga 30 puntos si  Atty. Flor Yosores aron tabangan ang HLY-Friends pag-abante sa finals.

 Ang Water Market gipangulohan ni Joel Jaca pinaagi sa iyang 23 puntos, gisundan ni Carding Vernaiz nga adunay 19 puntos.

 Sa laing bahin, ang Park 'N Go gipangulohan ni Jingjing Rama nga mipabuto'g 22 puntos, samtang laing upat niya ka teammates ang miiskor sab og double figures. Si Al Misa miamot og 18 puntos, si Michael Arias  mitampo'g 16 puntos, samtang si   Eric Abatayo miabuno'g 15 ug  si Mark Lisondra midungag og 11 puntos.

 Wala sab magpaperi si kanhi UC Webmaster Robert Abasolo, kinsa mihimo sab og season-high 42 puntos aron pangulohan ang AMBL, kinsa moduwa na lang alang sa ikatulong puwesto batok sa Water Market.

PUNTOS MATAG USA

Unang duwa:

 HLY-Friends (133) - Cabrera 43, F. Yosores 30, Capala 17, Mercado 13, Abarquez 12, Abasolo 12, S. Yosores 6

 Water Market (104) - Jaca 23, Vernaiz 19, Eleguin 16, Veloso 14, Navares 10,Tabar 9, Ozon 8

Ikaduhang duwa:

 Park ‘N Go (104) - Rama 22, Misa 18, Arias 16, Abatayo 15, Lisondra 11, Dejacto 8, Nacional 7, Mosqueda 6, Dyota 4, R. Rama 2

 AMBL (95) - Abasolo 42, Cabatas 16, Fuentes 10, Piezas 7, Abasolo 5, Gaviola 4, Flordeliza 3, Navares 3, Lim 2, Chiong 2