Chua midaog sa September edition sa CEPCA monthly tilt
CEBU, Philippines - Gipuhag ni Harrison Chua ang Silician defense ni Amado Olea sa final round aron maghari sa September edition sa Cebu Executives and Professionals Chess Association (CEPCA) monthly tournament niadtong Domingo didto sa Handuraw Pizza sa Gorordo Avenue.
Gitapos ni Chua ang 5-round Swiss system competition pinaagi sa pagmarka og perpektong 5.0 points ug nakig-uban na sa nagpaabot nga silang Atty. Jong Melendez, NM Arnold Cadiz, Percival Fiel, Maggi Dionson, Manuel Abucay, Jun Kidlat, Peterson Sia, Rey Flores ug Freddie Casagan sa grand finals nga gikatakda sa Disyembre.
Si Chua, mipukan ni Boy Pestaño sa first round ug nasundan kini og laing makabungog nga mga kadaugan batok nilang Fabio Abucejo, Ruel Hortelano ug Tony Barade.
Sila si Hortelano ug Jun Kidlat parehong mirehistro og 4.0 puntos, apan si Hortelano maoy miangkon sa ikaduhang dapit pinaagi sa superior tie-break output. Si Olea mipahiluna sa ikaupat, samtang si Mandy Baria mikompleto sa top 5 finisher sa usa ka adlaw nga kompetisyon. (BANAT BALITA)
- Latest
