UV nag-wild
CEBU, Philippines - Nagmangtas og maayo ang University of the Visayas (UV) Green Lancers ug walay kukaluoy nilang gipanitan ang University of San Jose-Recoletos (USJ-R) Jaguars, 70-37 sa nagpadayong semifinal round sa 13th Cebu Schools Athletic Foundation Inc. (CESAFI) kagabii didtosa Cebu Coliseum.
Gitapos sa Lancers ang first round sa semifinals uban ang 2-1 nga baraha, samtang ang Jaguars nga napugngan sa ilang season-low 37 points, adunay 0-3 win-loss record.
Ning pagsuwat, ang Southwestern University (SWU) Cobras nga tinguha og 3-0 sweep sa first round sa
eliminasyon padayon pang nakigsangka sa University of San Carlos (USC) Warriors.
Sa maong duwa, usa lang ka player ang nakahimo'g double figures nga si Raffy Octobre pinaagi sa iyang 13 puntos aron pangulohan ang Green Lancers. Sa mao sab nga duwa, ang Green
Lancers molansang og double figures inig human sa matag kuwarter, samtang single digit lang ang sa Jaguars.
Sayong nagpauwan og mga puntos ang Lancers, hinuon mibawos sa makadiyot ang Jaguars apan dali ra usab nila nainat ang ilang labaw dihang naglisud pag-iskor ang Jaguars.
Silang Miguel Tabaloc ug Edmundo Bayhonan maoy nangu sa Jaguars nga parehong mikabkab og otso
puntos.
Nagpundo una og dakung labaw ang UV Green Lancers sa wala pa sila mogamit og local players sa nahabiling
singko minutos sa duwa.
Ang ilang Cameroonian recruits nga silang Steve Cedrick Akomo ug Mike Harry Nzesseu nagkumboya lang og 13 puntos.
Sa laing bahin, mopahuway sa makadiyot ang kompetisyon sa CESAFI ug mangandam kini alang sa tinuig nga Dark vs. Light All-Star Games sa collegiate ug high school divisions karong Domingo diha gihapon sa Cebu Coliseum.
May pagahimuon sab nga slam dunk contest ug three-point shootout.
PUNTOS MATAG USA
UV (70) - Octobre 13, Akomo 9, Mendoza 8, Abad 7, Arong 7, Escocio 6, Babia 5, Nzesseu 4, Codilla 3,
Marquez 2, Santillan 2, Cabanero 2, Perolino 1
USJ-R (37) - Tabaloc 8, Bayhonan 8, M. Parker 7, C. Parker 5, R. Senining 4, Lajato 4. Sanchez 1 (BANAT PALARO)
- Latest
