Pinoy boxers luhaan sa Ukraine slugfest
KIEV, Ukraine --Natapos na ang kampanya ng PLDT-ABAP National team nang matalo ang huli nilang dalawang boksingero sa 2013 AIBA Junior World Boxing Championships.
Natalo si bantamweight Mike Angelo Plania kay Henry Lebron Jr. ng Puerto Rico, habang nabigo si light bantamweight Paul Gilbert Galagnao kay Istvan Szaka ng Hungary sa kani-kanilang mga engkuwentro.
Makaraang matalo sa opening round ay nagbago ng taktika si Plania sa seÂcond round kung saan niya tinarget ang bodega ng Puerto Rican.
Subalit nagbago ng kanyang estratehiya si Lebron para sikwatin ang tagumpay.
Nakipagsabayan naman si Galagnao sa eksperyensadong si Szaka sa kanilang bangaan. Ngunit mas pinaboran ng mga hurado ang Hungarian fighter para sa unanimous decision win nito kay Galagnao.
“It would have been nice if we had a better draw so they could have fought more,†wika ni ABAP exeÂcutive director Ed Picson.
“Still we’ve gotten a lot of offers for sparring. We’re taking on all comers so they will get those fights. The fact that we were sought out by other teams says something about our boÂxers,†dagdag pa nito.
Ang iba pang miyembro ng developmental PLDT-ABAP team na sumali sa torneo ay sina Hipolito Banal Jr. at Jayson Daming.
- Latest
- Trending
