Hoopers mitiklo sa Wildcats alang sa ilang 4-0 nga baraha sa PICPA tilt
CEBU, Philippines - Misalig ang team Hoopers sa tandem nilang Lito Ortiz ug Andre Tocao aron baswaton ang ilang koponan ngadto sa 73-65 nga kadaugan batok sa PICPA Wildcats sa elimination round sa Philippine Institute of Certified Public Accountants (PICPA) 2013 basketball tournament didto sa Capitol Parish gym sa dan Escario, ning dakbayan.
Ang Hoopers nabiyaan sa first period, apan mihimo'g rally sa sunod nga kuwarter aron moposte'g otso puntos nga labaw sa halftime, 33-25 pinaagi sa pagtimon nilang Khan Guieb ug Dondon Santiago.
Misamot kainit ang opensa nilang Ortiz ug Guieb sa final period hangtod naangkon nila ang "come-from-behind" nga kadaugan.
Si Santiago miburak og 24 puntos, si Ortiz midugang og 13 puntos, samtang si Tocao mipuno og 11 puntos alang sa Hoopers nga nagbitbit karon og 4-0 nga baraha.
Ang Wildcats gipangulohan ni Bienson Romero nga mipabuto'g 22 puntos.
Sa laing duwa, ang PICPA Snipers ni skipper Alvin Zabala mipukan sa PICPA Intangibles, 78-56 alang sa ilang ikatulong daog sud sa lima ka duwa.
Silang Jacon Bonsucan ug Alvin Zabala maoy nangu sa Snipers sa ilang 23 ug 17 puntos matag usa, samtang ang Intangibles gipangulohan nilang Karl Leyson ug Carlo nga nagkumboya'g 37 puntos.
Sa main game, si Edlin Endrina miposa og 15 puntos aron pangulohan ang PICPA Bulls pagpukan sa PICPA Phoenix, 60-51 alang sa una nilang daog.
Ang napildeng Phoenix gipangulohan ni Jake Piape pinaagi sa iyang 14 puntos.
Puntos matag usa
Unang duwa:
HOOPERS (73) - Santiago 24, Ortiz 13, Tocao 11, Guieb 11, Prieto 5, Cadungog 3, Canonigo 2, Catmon 2, Prosia 2
WILDCATS (65) - Romero 22, Maningo 11, Destriza 10, Labaya 8, Faciol 6, Morra 3, Ompad 3, Trocio 2
Ikaduhang duwa:
SNIPERS (78) - Bonsucan 25, Zabala 18, Galo 11, Seno 10, Bauzon 8, Bandala 6
INTANGIBLES (56) - Leyson 20, Carlo 17, Seno 4, Degulacion 4, Benido 3, Donayre 2, Judilla 2, Alabado 2, Del 2
Ikatulong duwa:
BULLS (60) - Endrina 15, Flores 13, Alejandre 11, Ibo 8, Ju. Makinano 8, Oliveros 4, Je. Makinano 2, Navales 2
PHOENIX (51) - Piape 14, Judaya 13, Lusica 12, Padios 6, Maying 4, Estrella 2 (BANAT NEWS)
- Latest
