CEBU, Philippines - Ang "Ground and Pound 7: Resolution" fight card ipasalida karong gabii sa SkyCable community channel 61.
Ang part 1 ning duha ka oras nga programa magsugod karong alas-9 hangtod sa alas-11 sa gabii, samtang ang part 2 sa Septiyembre 14 pa ipasalida.
Ang SkyCable maoy official TV partner sa GPC 7: Resolution nga gipasiugdahan sa Yaw-Yan Ardigma Cebu Martial Arts Federation, Inc. ni founder ug CEO Master Benigno 'Ekin' R. Caniga Jr.
Ang maong fight card gipangulohan sa Ground and Pound Championship (GPC) heavyweight title fight diin gidemolis ni Cebu-based British fighter Cris 'Lindol' Brooks sa Yaw-Yan ArDigma Cebu si Lloyd Abucayan sa Davao City sa second round. Gawas sa Brooks-Abucayan showdown, laing tulo ka title fight usab ang ipakita sa maong fight card ug siyam sa undercard.