USC makigbatok sa UV alang sa SBP title karong adlawa
CEBU, Philippines - Ang powerhouse University of San Carlos (USC) makigsangka sa University of the Visayas (UV) alang sa titulo sa Small Basketeers Philippines division sa BEST SBP Passerelle Twin Tournament nga gipaluyohan sa Milo diha sa USC North Gym karong adlawa.
Ang USC maoy nanghawod sa milabay'ng duha ka tuig ug wala kini pilde sa Cebu ug Visayas legs sa torneyo.
Kausa lang sila napilde dihang miyukbo sila ngadto sa La Salle Greenhills sa 2012 national finals.
Karong tuiga sa Cebu leg, gipangparot sa USC ang ilang mga kaatbang sa average nga 30 puntos.
Ang USC moiskor og 54 puntos sa duwa ug nalimitahan ang ilang kontra ngadto lang sa 24 puntos matag duwa.
Maayo kaayo nilang pagkahimo ang ilang opensa nga gipangulohan sa ilang bigman nga si Joseph Berdin ug nilang Antonio Czar Octaviano, Joshua Canoy, Deanmark Rodina ug ang pointguard nga si ZJ Enriquez.
Ang Don Bosco Technology Center (DBTC) ug ang Sacred Heart School-Ateneo de Cebu maoy mag-ilog alang sa ikatulong pwesto.
Mokampiyon sa SBP maoy morepresentar sa Cebu alang sa Visayas Regional Finals didto sa Iloilo unya sa Oktubre 13 ug 14.
- Latest
