Laborte 'hero' sa Fooda riders

CEBU, Philippines -  Giluwas ni Titing Laborte ang Fooda riders ni Jojo Colita pinaagi sa iyang buzzer-beating shot batok sa

T.D.M.U. ni Romeo Gallardo.

 Ang Food riders nakaipsot sa kulbahinam nga duwa, 67-66 aron maangkon ang Game-1 sa ilang "best-of-

three" semifinals sa Pulpogan Motorcycle Owners and Drivers  Association (PMODA) Conference 3 Habal-Habal

basketball tournament niadtong  Sabado didto sa Barangay Pulpogan gym sa Consolacion, Cebu.

 Si Laborte igo lang miiskor og sayes puntos sa kinatibuk-ang duwa, apan ang iyang krusyal nga itsa maoy

mitukmod sa Fooda riders ngadto sa baba sa kadaugan aron makabentaha sa series.

 Si Jeness Salinas miratsada og 16 puntos, samtang si Edward Yaun mikimada og 15 puntos aron pangulohan

ang Fooda riders nga kanunay'ng naggukod gikan sa pagsugod hangtod sa himalatyong oras sa duwa.

 Ang T.D.M.U. riders gipangulohan sab ni William Allegado, kinsa mikadlit og 23 puntos, gisundan ni Warren

Barro sa iyang 18 puntos ug Ricky Colita nga adunay 10 puntos.

 Wala kaayo makatabang si Gallardo sa iyang koponan kay napugngan kini ngadto sa sayes puntos.

 Sa laing aksiyon, ang defending champion Eskina riders mipilde sa District 4 riders, 62-56 aron makabentaha

sab sa series, 1-0.

 Lima lang ka player ang  naka-iskor alang sa Eskina riders, apan tulo niini ang mirehistro og kapin 10 puntos

sa pagpangulo ni Joseph Lleve pinaagi sa iyang 20 puntos.  Si Amay Cabilan mitimbre og 19 puntos, samtang si Brian

Villamor mitikdol og 14 puntos alang sa  Eskina riders ni team manager Ingkoy Along.

 Si Bodik Sagarino nga miburak og 16 puntos mao sab ang nangu sa District 4 riders, samtang si Jimson Arrofo

mihakot og 10 puntos.

 Ang District 4 riders ni Luther Hopida maoy midiktar sa  unang tulo ka kuwarter, apan nasumpo kini sa final

period dihang ang ilang alas nga si Sagarino giguwardiyahan na'g maayo sa Eskina riders ug wala na kaayo makapamuntos

hangtod nailog ang momentum. Gikan niadto wala na makarekober ang District 4 riders.

 Gidumala ni Jerry Narandan, ang tinuig nga torneyo gipaluyohan usab  ni  Pulpogan Brgy. Capt.  Roger  R.

Linaboc ug sa iyang mga  konsehales  Hon.  Avelino Bihag, Adrian Isoto, Geroncio Azucenas ug  Raymond Villanueva .

 Gisuportahan sab kini   ni municipal councilor Julius P. Alegado, Poblacion Oriental councilor Paul Alelu Q.

Flores ug community stakeholder Charle R. Mendoza.

PUNTOS MATAG USA

Unang duwa:

 FOODA  (67) - Salinas 16, Edward Yaun 15,  Edwin Yaun 8, R. Yaun 6, Bugtai 6, Laborte 6, Lopez 4,

Querubin 3, Arrofo 3

 T.D.M.U. (66) - Alegado 23, Barro 18, Colita 10, Gallardo 6, Tito 4, Muaña 3, Apatan 2

Ikaduhang duwa:

 ESKINA (62) - Lleve 20, Cabilan 19, Villamor 14, Camay 5, Etat 4

 DISTRICT 4 (56) - Sagarino 16, Arrofo 10, Kapalak 8, Ybañez 8, Salva 6, Somosot 6, Ardiente 2 (BANAT NEWS)