Greywolves lupig sa Wildkittens

CEBU, Philippines -  Mitangag sa ilang ikalimang daog ang Cebu Institute of Technology-University (CIT-U) Wildkittens human ilang gilubong ang Don Bosco Technology Center (DBTC) Greywolves, 84-53 sa nagpadayong 13th  Cebu Schools Athletic Foundation  Inc. (CESAFI) kagahapon didto sa Cebu Coliseum.

Mga duwa karon

(Cebu Coliseum)

5:00 pm

UC vs. USPF (jrs.)

6:45 pm

USC vs. USPF (srs.)

  Sikit unta ang aksiyon sa  first half diin ang CIT-U  igo lang miabante og otso puntos, 37-29, apan nagmangtas kini sa third  period  sa usa ka mainitong rally aron tapuson ang  maong kuwarter sa iskor nga 60-36.

 Ang Wildkittens nga nagtangag og 3-3 nga baraha, gipangulohan  ni Jessie Aloro nga miungad og 26 puntos, samtang sila si Justin Jules Langres ug John Stanley Hapin mikaskas og 11 puntos matag usa.

 Si Steven del Campo miposa og 18 puntos aron maoy mangulo sa pilderong Greywolves, kinsa wala pa makatilaw og daog sa lima ka duwa.  Si Vinchenzo Ortega miamot og 15 puntos.

Puntos matag usa

 CIT-U (84) - Aloro 26, Langres 11, Hapin 11, Pedroza 8, Espina 6, Alarcon 5, Cruz 5, Jungoy 4, Nazareno 3, Labiste 2, Pacuribot 2, Tabada 2, Manatad 1

 DBTC (53) - Del Campo 18, Ortega 15, Matias 8, Apduhan 5, Aliganga 2, Lapina 2, Yap 2, Itaas 1 (BANAT NEWS)