Ilog sa liderato
CEBU, Philippines - Mag-ilog karon sa unang puwesto ang University of the Visayas (UV) Green Lancers ug ang University of San Jose- Recoletos (USJ-R) Jaguars sa bugtong collegiate match sa 13th Cebu Schools Athletic Foundation, Inc. (CESAFI)diha sa Cebu Coliseum.
Magsangka ang duha sa main game sa alas-6:15 sa gabii.
Ang Green Lancers ug Jaguars parehong midaog sa tagsa-tagsa nilang kaatbang sa una nilang duwa.
Gisugdan sa Green Lancers ang ilang kampanya pinaagi sa paglubong sa University of Cebu (UC)
Webmasters sa iskor, 81-62, samtang ang Jaguars milubong sab sa Cebu Institute of Technology-University (CIT-U) Wildcats, 79-66.
Gawas sa makalisang nga one-two punch nilang John Abad ug Wowie Escocio, ang Green Lancers magsaligsab sa tag-as nilang frontline nga silang Cameroonian Steve Cedrick Akomo ug Mike Harry Nzeussue batok sa rookie-laden Jaguars.
Makalaum sab sila nilang Chris Perolino, Arvie Cabañero, Rhaffy Octobre ug rookie Leonard Santillan batok sa Jaguars, kinsa adunay kasaligang pointguard nga si Rendell Thomas Senining.
Sa juniors division, ang Sacred Heart School-Ateneo de Cebu (SHS-AdC) Magis Eagles ug CIT-U Wildkittens laraw sab sa ilang ikaduhang sunod-sunod nga daog aron makigsawo sa liderato uban sa UV Baby Lancers nga adunay 2-0 win-loss record.
Ang Magis Eagles makigsangka sa Don Bosco Technology Center (DBTC) Greywolves sa ala-1 sa hapon, samtang ang Baby Warriors moharong sa Cebu Eastern College (CEC) Dragons sa alas-2 sa hapon.
Sa laing bahin, ang University of San Carlos (USC) Baby Warriors naglaum nga moiskor sa ilang unang daog ubos sa bag-o nilang coach Carlo Britt Reroma, apan mag-atubang kini og laing lisud nga hagit batok sa Baby Jaguars.
- Latest
