Marco Singwangcha gitakda modepensa sa iyang bakus batok way pildeng kontra

CEBU, Philippines - Ang pambato sa RWS stable nga si Marco Demecillo Singwangcha modepensa sa iyang Philippine super

flyweight batok  sa undefeated challenger nga si Giovanni 'Little Giant' Escaner sa Parañaque City sa main event sa "Astig

Pinoy I" karong Agosto 17 didto sa Dipolog City.

 Mao kini ang ikaduhang pagdepensa ni Singwangcha sa   bakus nga iyang nadaog human niya gipilde  ang

kanhi undefeated champion nga si Marvin Mabait pinaagi sa third round knockout niadtong Abril sa miaging tuig didto sa

Lapu-Lapu Shrine sa Mactan Island.

 Sa iyang unang title defense lima ka bulan na ang milabay, si Singwangcha yano kaayo mimakmak ni Marvin

Tabamo sa fourth round didto sa iyang yutang natawhan sa Iligan City.

 Hinuon, sa iyang katapusang away, si Singwangcha nakatilaw sa labing una niyang pilde pinaagi sa "unanimous

decision" sa mga kamot ni ALA Boxing Gym prospect Arthur Villanueva niadtong Abril 20 didto sa University of

Southeastern Philippines Gymnasium sa Davao City.

 Si Singwangcha adunay impresibong rekord nga 18-1, 14KOs, samtang si Escaner wala pay pilde sa iyang 10

ka away diin unom sa daog niini gikan sa knockout.

 Sa supporting main event sa maong boxing showdown nga  gipasiugdahan ni Thai promoter Naris

Singwangcha uban sa RWS International Promotions ni Rex 'Wakee' Salud, si Gadwin Tubigon makigharong ni Donriel

Marcos sa usa ka 10-round bout, samtang si Anthony Singwangcha Sabalde makigsangka ni Jeffrey Jimenez    sa

gikatakdang walo ka hugna nga away ubos sa flyweight division.

 Lain pang moaway mao si    Kenny Singwangcha Demecillo batok Edward Camion, Carlo Singwangcha

batok Michael Acevido ug Melmark Dignos batok Bryan Capangpangan. (BANAT NEWS)