Tuburan Campaigners nakaipsot sa DMS 5
CEBU, Philippines - Nakarekober ang Tuburan Campaigners sa final period aron mokulit og "come-from-behind" nga kadaugan batok sa DMS 5 sa iskor nga 101-97 sa nagpadayong 2013 Asturias Open Fiesta Cup niadtong Lunes sa gabii didto sa Asturias covered court.
Naggukod pirme ang Tuburan, nalubong kini og 11 puntos sa unang kuwarter, 34-23, apan milusad kini og makalisang nga 10-0 run aron makan-an ang labaw ngadto na lang sa uno punto sa halftime, 54-55.
Sukad niadto nagsinukliay na og mga puntos ang duha ka kampo uban ang hugot nga depensa hangtod nga nailog sa Tuburan Campaigners ang momentum sa nanghinapos nga bahin sa duwa.
Mi-rally ang DMS 5 ubos sa pagpangulo sa ilang duha ka imports gikan sa Manila, apan pakyas sa ilang tuyo nga mailog pagbalik ang pabor kay nahutdan sila sa oras.
- Latest
