Ambunda wala malisang
CEBU, Philippines - Taliwala sa bahad ni Japanese challenger Tomoki ‘El Mexicanito’ Kameda (27-0, 18KOs) nga tumbahon siya, pabilin ang kompiyansa ni WBO bantamweight champion Paulos ‘The Rock’ Ambunda (20-0, 10KOs) nga madepensaan ang iyang bakus karong Huwebes didto sa Waterfront Cebu City Hotel and Casino.
Human madunggi ang panganti ni Kameda nga tumbahon siya sa away, ang 32-anyos nga South African masaligon nga ang iyang kamot ang iisa human sa away.
Inay siya ang matumba, si Ambunda miingon nga si Kameda ang angay mangandam tungod kay kini ang moligid atol unya sa ilang sangka.
“Yes he (Kameda) is right about his prediction that the fight will not go the distance, but it’s me who will score the knockout, I can finish him any round I want,†matud pa ni Ambunda kinsa misakmit sa world title gikan ni kanhi Thai champion Pungluang Sor Singyo pinaagi sa unanimous decision niadtong Marso 2 didto sa Namibia.
Si Sor Singyo kahinumduman nga maoy boksidor nga mipilde ni ALA Gym boxer AJ ‘Bazooka’ Banal sa ilang world title fight niadtong Oktubre 20 didto sa SM Mall of Asia Arena in Pasay City.
Sila si Ambunda ug Kameda mag-atubangay sa final press conference karong Martes didto sa Waterfront Hotel. Ang weigh-in isunod sa Miyerkules sa susama gihapong venue.
- Latest
