Gil Meneses Cup 2013 shootfest gisugdan na

CEBU, Philippines -  Gatosan ka shooters ug kasagaran niini gikan sa mga kapolisan ang nisalmot  sa PDIR Gil C. Meneses Cup 2013  Shooting Competition nga gibuksan kagahapon didto sa Cebu Pistol and Rifle Association (CPRA) Firing Range sa Brgy. Pusok sa Lapu-Lapu City.

 Ang tulo ka adlaw nga torneyo, sanctioned sa International  Practical   Shooting Confederation (IPSC) Level  I.

 "Aside from the competition, maganda ito para na rin maturuan ang ating mga kapolisan na maging magaling and to help them to make guns protect lives and not destroy it. This will also promote camaraderie for the shooters from different teams who will join the event," matud pa ni Civil Security Group Chief Director Gil Meneses.

 Ang torneyo adunay  tulo ka shooting disciplines -- ang  5 IPSC Pistol stage, 5 IPDA Pistol Stage ug 3 rifle stage.

 Mga tropeyo ug medalya ang nagpaabot alang sa mga mananaog sa maong torneyo nga gipasiugdahan sa Civil Security Group (CSG) Visayas Satellite Office.

 Ang CSG usa ka national support unit sa Philippine National Police (PNP) nga responsabli sa pagplano, pag-organisar ug pagkontrolar  sa  pagpanghatag  sa  mga permits ug lisensya sa mga pusil,  ammunitions, explosives, firecrackers, pyrotechnic devices, private security agencies, company security forces ug private security guards. (BANAT NEWS)