Pedroza mipilde ni Montenegro sa CHEDA darts

CEBU, Philippines -  Gipilde  ni  Roniel Pedroza ang back-to-back winner nga si Steve Montenegro aron maghari sa labing bag-ong edisyon sa City Hall  Employees Darts Association (CHEDA) Open Singles Tournament didto sa Baseline Sports and Recreation Center.

 Si Alex Raboy nalandig sa ikatulo, samtang si Rodmar Branzuela mi-okupar sa ikaupat.

 Sila si Jun Monsanto ug Alvin Villa miangkon sa ikalima ug ikaunom nga dapit, gisundan  nilang Jerome Perales ug Shane Ortega.

 Pakyas si Montenegro pagsakmit sa iyang ikatulong titulo, apan nagpabilin gihapon siyang nag-una sa overall standings sa iyang 28 puntos.

 Sa iyang bahin, si Pedroza temporaryo mipahiluna sa  ikaduhang dapit bitbit ang 19 puntos, gisundan ni  Branzuela nga adunay 16 puntos.