Yaw-yan ardigma, skycable mag-partner sa ground & pound 7

CEBU, Philippines -  Sa tuyo nga molambo pag-ayo ang Mixed Martial Arts (MMA) dinhi sa Sugbu, ang Yaw-Yan ArDigma

Martial Arts Federation Inc.  mipirma og kasabotan uban sa SkyCable aron himuong official media partner alang sa

"Ground and Pound 7: Resolution"  sa  Agosto 31 diha sa Cebu Coliseum.

 Ang panaghugpong sa duha nahingpit atol sa "contract signing" tali nila ni Yaw-Yan ArDigma Cebu

CEO/Founder Master Benigno 'Ekin' R. Caniga Jr. ug SkyCable Airtime Executive Jeff Taleon niadtong Martes didto sa

Yaw-Yan ArDigma Cebu headquarters.

 Sa maong kontrata, ang SkyCable pinaagi sa ilang community channel 61 ug 62 maoy mopasalida sa delayed

telecast sa Ground and Pound event sa Septiyembre 7.  Mopagawas usab kini og  teasers ug trailers alang sa maong

torneyo.

  "This is part of our vision in making MMA big here in Cebu. This is the first time that an MMA tournament in

the Visayas will be covered and televised by a station," matud pa ni Caniga.

 Magsangka sa main event mao ang Cebu-based British Mixed Martial Arts (MMA) fighter nga si Cris 'Lindol'

Brooks sa Yaw-Yan ArDigma Cebu nga makigharong sa taga-Davao nga si Lloyd Abucayan sa Mindanao's Beefit

Pythons Pit.

 Ang duha mag-ilog sa bakanteng Ground and Pound Championship (GPC) heavyweight belt.

 Moaway sa supporting bout sa maong fight card ubos sa pagtugot sa Games and Amusements Board (GAB)

mao ang taga-Butuan City nga si Lorde Rey 'Punisher' Yamit, kinsa modepensa sa iyang GPC lightweight title batok ni

Kru Robert 'Maldito' Serdone sa Redneos Iron Gladiator MMA sa Talisay City.

 Mokompleto sa maong triple championship event mao ang away ni undefeated Cebuano   James 'Spider'

Serenio, kinsa mosuway pag-ilog sa bakanteng GPC flyweight title batok ni kanhi URCC Visayan flyweight champion ug

PXC veteran Victor 'Gladiator' Torre. (BANAT NEWS)