MJDL champ sa Customs tourney
CEBU, Philippines - Miiskor og two-game sweep ang MJDL Titans dihang ilang gilubong ang Cebu Inter-Port Users (CIPU), 70-57 aron sakmiton ang korona sa Cebu Customs Invitational Tournament 2013 niadtong Martes sa gabii didto sa USC- North Campus gym sa General Maxilom Avenue, ning siyudad.
Ang managsuong Noel ug Baeng Medalle maayo kaayong nakaduwa, apan si Janus Abellana maoy nangulo sa kadaugan sa MJDL pinaagi sa iyang 14 puntos. Silang Baeng ug Noel midugang og 11 ug 10 puntos matag usa.
Ang mas batan-ong si Baeng maoy namuntos sa unang kuwarter ug dayon nanginit sab si Noel sa second period aron tapuson ang halftime sa iskor nga 43-27.
Ang MJDL migamit og hugot kaayong full-court pressure aron pugngan ang CIPU ngadto lang sa 13 puntos sa second quarter points samtang mihimo sila’g 26 puntos. Balanse sab kaayo ang ilang opensa tungod kay ang tanang players nga gipasulod ni coach Caleb Gawangon pulos nakaiskor.
Misuway unta'g rally ang CIPU, apan kutob lang sa sayes puntos ang labing duol nilang naapas, 54-48
paghuman sa third period kay nagbahis si Kenneth Maningo, kinsa mibahog og 11 puntos sa maong kuwarter.
Sa sayo pa, ang PhilHealth mitiklo sa Bureau of Customs (BOC) Portmen, 85-74 aron maangkon ang
ikatulong dapit.
Si Sherwin Arco maoy nangu sa PhilHealth sa iyang 24 puntos, samtang si Kenneth Kern Sesante mao usab ang nangu sa Portmen
PUNTOS MATAG USA
Unang duwa:
(For 3rd Place)
Philhealth (85) - Arco 24, Escobido 11, Ynadon 9, Sasing 8, Ramas 8, Yu 7, Ornopia 6, Yap 5, Quiñanola 5,
Reyes 2
Customs (74) - Sesante 17, Cañete 14, Oyao 11, Mose 10, Gacilos 9, Laraga 8, Biteng 4
Ikaduhang duwa:
(Championships)
MJDL (70) - Abellana 14, B. Medalle 12, N. Medalle 11, Elloren 8, Rollon 8, A. Laborte 6, N. Laborte 5,
Enriquez 4, Areglo 2, Apuya 2
CIPU (57) - Maningo 16, Aniñon 8, Garcia 8, Palero 6, Manlosa 6, Carmen 4, Moral 4, Solidarios 3,
Largosa 2 (BANAT PALARO)
- Latest
