Nagbinaharay

Pasay City , Philippines - Nagbinaharay sila si WBO minimumweight champion Merlito 'Tiger' Sabillo (21-0, 11KOs) ug sa iyang Colombian challenger nga si Jorle Jacinto Estrada (16-6, 5KOs) duha ka adlaw sa dili pa ang ilang sangka sa main event sa "Pinoy Pride XXI: When Worlds Collide"   fight card  karong Sabado sa gabii didto sa Solaire Casino and Leisure Park.

 Ang 24-anyos nga si Estrada misaad nga mo-iskor og "knockout" nga kadaugan batok sa Filipino champion aron iyang madala ang bakus sa pagbalik niya sa Colombia.

 "I will beat the champion (Sabillo) and bring the title to my country," matud pa ni Estrada  atol sa final press conference kagahapon didto sa Grand Ballroom sa  Solaire Casino.

 "I trained for three months and I think that’s enough to beat him (Sabillo), I will knock him out in the seventh round.

 Kini ang labing unang away ni Estrada gawas sa iyang nasud, apan  salig  siya  nga iyang mapilde ni Sabillo atubangan sa Filipino boxing fans.

 Dihang iyang nadunggan ang pamahayag ni Estrada, ang garbo sa Toboso, Negros Occidental nga si Sabillo,  mibawos sab dayon og  tirada pinaagi sa pag-ingon nga ang iyang kontra maunay ra sa tari.

 "Sabi niya seventh round lang, pero tingnan natin, seguraduhon lang niya nga mapapatumba niya ako sa seventh round dahil pag hindi baka siya ang ma-knockout," matud pa ni Sabillo,  kinsa misakmit sa bakanteng WBO title  pinaagi sa eight round stoppage sa kababayan ni Estrada nga si Luis De la Rosa  niadtong Marso 9 didto sa  Coliseo San Vicente sa Colombia.

 "Ngayon na sa akin na ang belt, dapat kung protektahan ito at hindi ako papayag na makuha ito ngayong Sabado gagawin ko to hindi lang para sa sarili ko kundi para na rin makapagbigay ako nang karangalan sa bansa,"“ dugang pa ni Sabillo.

 Sa supporting main event, ang walay pilde nga si Arthur Villanueva (21-0, 11KOs) mosuway pagsakmit sa WBO Asia-Pacific super flyweight title batok sa Mexican nga si Arturo 'Fuerte' Badillo (21-4, 19KOs).

 "Matagal na rin akong hindi nakakagawa ng  knockout win at gusto ko na  ma-impress ang crowd kaya pahahalikin ko siya (Badillo) sa canvass.

 Sa laing bahin, si AJ 'Bazooka' Banal  (28-2, 20KOs)  nga napakyas sa iyang kampanya alang sa kalibotanong titulo sa makaduha ka higayon,  mohimo sa iyang comeback fight batok ni Mexican Abraham Gomez (18-7, 9KOs).