GTK, Gomez maghahanap ng mga Fil-Ams

MANILA, Philippines - Inimbitahan ni PSC Com­­missioner Jolly Gomez si athletics president Go Teng Kok para tumu­ngo sa San Diego, Califor­nia at tingnan ang mga Fil-Americans na inirerekomenda ni American coach Ryan Flaherty na maisama sa delegasyong lalahok sa Southeast Asian Games sa Myanmar sa Disyembre.

Ang imbitasyon ay ipi­na­­abot ni Gomez nang mag­pulong sila ni Go ukol sa posibleng pagpasok ng mga Fil-Ams para ma­pa­lakas ang tsansa ng bansa na manalo ng ginto sa Myanmar SEA Games.

Sinabi ni Go na maayos natapos ang pagpupulong dahil naipaliwanag niya kay Go­mez ang nais niyang mangyari sa mga Fil-Ams.

Ayon kay Go, ang mga Fil-Ams ay dapat munang pag­pakita ng Philippine passport, at kung mayro­on na ay dapat ipakita na karapat-dapat silang ma­pasama sa national team.

Aalis sina Go at Gomez sa patungong San Diego para makita ng personal ang mga inirerekomenda ni Flaherty, kinuha ng PSC pa­ra pag-aralan kung pa­ano mapapalakas ang kalidad ng atleta ng Philippine Amateur Track and Field Association.

Nagpasabi rin si Laher­ty ng pagnanais na mapasok siya bilang head coach sa PATAFA.