Saludar mipirma'g kontrata sa ALA
CEBU, Philippines - Kanhi national team member nga si Victoriano Saludar, kinsa andam na motikang sa professional boxing mipirma og kontrata sa ALA Promotions. Ang 22-anyos nga si Saludar, usa ka amateur standout diin nahimo siyang bronze medalist sa Asian Games niadtong tuig 2010 didto sa China.
Gawas pa niana, ang lumad nga taga- Polomolok, South Cotabato, two-time gold medalist usab sa Palarong Pambansa ug six-time national champion.
Si Saludar, kinsa mogamit sa monicker nga "Vicious" moaway sa 108 lbs. division sa labing una niyang away isip professional karong Sabado sa undercard sa "Pinoy Pride XXI" nga bidahan nilang undefeated WBO minimumweight champion Merlito Sabillo ug WBO world rated No. 6 challenger Jorle Estrada sa Colombia didto sa Solare Hotel and Casino sa kaulohan.
- Latest
