Taga-Asia mihawod sa women's doubles

CEBU, Philippines - Nagkapares na'g duwa samtang mga teenagers,  midaug silang Hsieh Su-wei ug Peng Shuai  sa ilang unang Grand Slam title human sa ilang  7-6 (1), 6-1 nga kadaugan batok sa Australian duo nga silang Ashleigh Barty ug Casey Dellacqua sa women's doubles final didto sa Wimbledon.

Si Hsieh maoy unang player sa Taiwan nga midaug og Grand Slam title samtang si Peng maoy unang player sa China nga naghatag sa labing unang doubles title sa usa ka major tournament sama sa Wimbledon sulod sa pito ka tuig.

''It's very special because I don't think tennis is popular in Taiwan,'' matod pa ni Hsieh.

Midugang pagbatbat si Hsieh  ''We didn't see many media during this tournament. We're very proud we can win this tournament together with my good friend. It's our first title, for Taiwan, so I think it's big thing in Taiwan.''

Ang tandem gikan sa Asya kinsa parehong 27 anyos, miduwa og pipila lang ka torneyo samtang mga amatuer pa silang duha ug natapos ang ilang partnership dihang mibalhin sila sa pro. Human sa pito ka tuig nga pahuway,  mihangyo si Hsieh kang Peng didto sa 2008 U.S. Open kung mahimo bang padayonon ang ilang panag-uban.

Nagkuyog na sab ang duha sa naghinapos ang 2008 ug midayon dayon og 11 ka matches diin sila maoy kampyon didto sa Bali ug Sydney. Napilde sila sa ilang  opening-round match niadtong 2009 Australian Open quarterfinals batok sa managsoong Serena ug Venus Williams ug karon aduna na sila'y unom ka titulo sa ilang pagbalik og kuyog.

Parehong migamit og two-handed shots silang Peng ug Hsieh sama kang Marion Bartoli kinsa maoy Wimbledon women's singles champion.  (BANAT PALARO)