HLY-Friends pabiling way pilde sa Power Forty President's Cup

CEBU, Philippines - Walay hunong nga mihakot og daog ang HLY-Friends dihang ilang gipilde ang Water Market, 114-109 alang sa ilang 4-0 nga baraha sa Power Forty President's Cup basketball tournament didto sa Inayawan Sports Complex. 
Sa laing duwa,  ang AMBL mipatik sab og daog  batok sa Labarca Trading sa iskor nga 105-91.
Si councilor Julian Capala miposa og 23 puntos aron pangulohan ang HLY-Friends ni team owner Atty. Flor Yosores, kinsa miamot og 17 puntos alang sa iyang koponan nga nagsolo karon sa liderato.
Si Wilbur Cabrera  mitampo'g 18 puntos, samtang si Alex Mercado midugang og 13 puntos.
Ang Water Market nga mihagsa sa ikaupat nga dapit uban ang 2-3 nga baraha, gipangulohan ni Adot Tabar, kinsa miburak og 30 puntos, gisundan  ni Caloy Lim sa iyang 16 puntos ug Michael Veloso  nga adunay14 puntos.
Sa laing bahin, si Robert Abasolo  mibagnos og 46 puntos   aron pangulohan ang AMBL, samtang sila si  Cesar Gaviola ug Eric Chiong nagkumboya og 27 puntos  aron inaton ang ilang baraha ngadto sa 3-1.
Ang 0-4 nga Labarca Trading gipangulohan ni Teddy Ebrado, kinsa mipabuto og 22 puntos, samtang sila si Lando Villaner ug Gideon Bughao miabuno og 15 ug 13 puntos matag usa.

PUNTOS MATAG USA

Unang duwa:
HLY-Friends (114) - Capala 23, Cabrera 18, Yosores 17, Mercado 13, Mabalcon 9, Atillo 6, Abasolo 4, Manturillas 3
Water Market (109) - Tabar 30, Lim 16, Veloso 14, Jaca 10, Vernaiz 9, Eleguin 8, Sandal 6, Ozon 4, Navares 4, Caumeran 2, Dacalos 2
Ikaduhang duwa:
AMBL (105) - Abasolo 46, Gaviola 16, Chiong 11, Fuentes 7, Piezas 6, Flordeliza 6, Cabatas 6, Navares 5, Kalinga 2
Labarca Trading (91) - Ebrado 22, Villaner 16, Bughao 13, Cañete 10, Fuentes 5, Abellana 3, Espinosa 2, Almojallas 2