Lumba alang sa kalikupan himuon karon
CEBU, Philippines - Moabot ngado sa 50 mil ka runners ang mosalmot sa Run 2 Plant for Green in Philippines nga dunganon sa
pagpahigayon karong adlawa sa 43 ka mga lungsod ug siyudad sa probinsiya sa Sugbu.
Dili kompetisyon ang masentro sa maong lumba nga may gilay-ong singko kilometros, apan ang mga
partisipante modagan sa dili pa mananom og mga kahoy.
Didto sa Naga, ang mga partisipante managan gikan sa Naga City Hall ngadto sa 10-hectare planting site sa
Barangay Tuyan, samtang dungan niini ang laing lumba didto sa Cordova nga manukad usab sa ilang municipal hall ug
tapuson didto sa two-hectare mangrove site diin 20 mil ka mangroves ang itanom.
Ang mga organizers nagkanayon nga bisa'g wala kini premyo, maisip nga dakung butang ang matabang sa mga
partisipante sa pagpalambo sa atong kalikupan pinaagi sa pagtanom og mga kahoy.
Ang maong kalihukan nga anaa na sa ilang ikatulong tuig gipasiugdahan sa Ramon Aboitiz Foundation Inc.
(RAFI) uban sa suporta sa Department of Education (DepEd). (BANAT NEWS)
- Latest
