Upat ka teams mag-ilog luna sa finals
CEBU, Philippines - Mag-abot karon ang topseed Petracorta Brokers ug fourth seed ug defending champion Canillas Brokers (Yorjoj) sa tinaktakay nga semifinals sa 2nd Cebu International Port Users (CIPU) didto sa Cogon-Ramos gym.
Ang ilang krusyal nga duwa sugdan sa ala-1:30 sa hapon ug sundan dayon sa laing tinaktakay nga duwa tali sa FYA Selection ug Ynah Brokers sa alas-4:00 sa hapon.
Ang modaog maoy mag-abot sa kampiyonato unya sa Hulyo 6, samtang ang mapilde mag-ilog sa ikatulong puwesto.
Bisa'g gitapos sa Petracorta ang elimination isip no. 1 qualifier sa ilang 6-1 nga baraha, dili gihapon sila makaseguro batok sa Canillas kansang kampanya kalit nabuhi dihang mihimo sila’g duha ka sagunson nga daog sa nahabiling duha ka duwa sa elimination.
Ang Canillas magsandig kanhi UC Webmasters Kenneth Kern Sesante uban sa suporta nilang Ferdie Sigue, Rex Bensi, Tony Largosa, Jim Villa, Dodong Manlosa ug Marvin Sillar. Samtang ang Petracorta ni Yoly Cena, mosandig sab nilang Takloy Moral, Francis Palero, Billy Sagario, Leonard Sagarino, Digoy Solidarios, Nilo Petracorta ug Reden Villaronza.
- Latest
