Adlawan misidlak didto sa Tacloban leg sa Kopiko supercross

CEBU, Philippines -  Mipakita na sab sa iyang talagsaong abilidad si multi-titled Cebuano rider Jon-Jon Adlawan aron masakmit

ang  korona sa Tacloban leg sa Kopiko Astig 3-in-one Supercross series sa miaging adlaw didto sa Maharlika Highway,

Tacloban City.

 Ang kapitan sa Team Kopiko nga si Adlawan misakiyo sa pro open title human niya gipilde ang laing Pinoy

elite rider nga si Rhowell Bornok Mangosong IV, samtang ang Philippine No. 1 nga si Glenn Aguilar napunta sa ikatulo.

 Sila si Ambo Yapparcorn ug Dondon Yuzon maoy mikompleto sa top five finishers sa pro open class.

 Si Aguilar bag-o lang usab misakmit  og back-to-back title atol sa Dumaguete leg sa maong nationwide

motocross series.

 Sa iyang bahin, si Mangosong nakabawi human niya giangkon ang pro lites class batok ni Adlawan, kinsa

mipahiluna sa ikaduhang luna. Si Aguilar mao gihapon ang third placer, samtang ang laing Sugbuanong rider nga si Jubenile

Aguilar mi-okupar sa ikaupat nga dapit.

 Si Jeffward Torio maoy labing paspas sa open enduro, samtang si Felson Ray Baculpo maoy naghari sa

underbone class. Si Jacob Orbe midaog sa novice open ug si Pia Gabriel maoy reyna sa women's class.

 Lain pang nanghawod sa tagsa-tagsa nila ka dibisyon  mao sila si Jed Luna (local enduro), Ted Conde

(intermediate), Glenn Gaid (peewee 50) BJ Pepito (peewee 65), McLean Aguilar (mini), Rex Barbaso (veterans A), John

Fernandez (veterans B) ug Jay Lacnit (veteran C). (BANAT BALITA)