Rochelle Tan ikaduha sa Century Tuna triathlon

CEBU, Philippines -  Mipakita sa iyang kapaspas ang Sugbuanong triathlete nga si Rochelle Tan  aron  mopuwesto sa ikaduhang dapit sa Century Tuna 5i50 Philippines sa miaging adlaw didto sa Subic Bay Freeport.

 Si Tan, usa sa mga banggiitang triathlete sa Sugbu mitapos sa lumba  sud sa duha ka oras, 52 minutos ug 56 segundos.

 Ang lumba naglatid sa  1.5 kilometer swim, 40-kilometer bike ug 10 kilometer run.

 Nagsunod ni Tan mao ang Pinay elite nga si Jenny Rose Guerrero, kinsa maoy reyna sa women’s division sa maong lumba.

 Laing pambato sa Sugbu nga mipakita sa ilang abilidad mao si Philip Duenas, kinsa sixth placer sa Filipino men’s elite sa oras nga 2:17:01, samtang ang beteranong si Noy Jopson mipahiluna sa ikasiyam nga dapit sa oras nga 2:54:59.

 Ang amahan ug igsuon sa Sugbuanong aktor ug triathlete nga si Matteo Guidicelli nga sila si Gianluca ug Giorgia mikolekta usab og medalya sa tagsa-tagsa nila ka dibisyon.

 Si Gianluca maoy fifth placer sa men’s 50-54 sa oras nga 3:03:18, samtang si Giorgia mipuwesto sa ikaduhang dapit sa 20-24 class sa oras nga 3:18:34. (BANAT PALARO)