Stags kontra Knights sa pagbubukas ng NCAA ngayon: Mainit na panimula pakay ng Bedans vs Blazers

Laro Ngayon

(MOA Arena sa Pasay City)

4 p.m. SBC vs CSB

6 p.m. SSC vs Letran

Russell Cadayona

MANILA, Philippines - Sisimulan ng San Beda Red Lions ang kanilang pagdedepensa sa korona sa pagsagupa sa host school St. Benilde Blazers sa pagbubukas ng 89th season ng NCAA men’s basketball tournament sa MOA Arena sa Pasay City.

Lalabanan ng Red Lions ang Blazers ngayong alas-4 ng hapon kasunod ang salpukan ng San Sebastian Stags at Letran Knights sa alas-6 ng gabi.

Itatampok ng San Beda ang bagong head coach na si Boyet Fernandez, gumiya sa Sta. Lucia Realtors sa PBA championship at sa NLEX Road Warriors sa apat na sunod na korona, na pumalit kay Frankie Lim.

Ipaparada naman ng St. Benilde si Gabby Velasco na humalili kay Gee Abanilla.

“Coach Gabby (Velasco), when he arrived in the Fr. Martin, they went to the championship. They nearly made it to the quarterfinals in the Filoil, so credit to him,” sabi ni Fernandez. “It will be a tough team for us in the opening, but we’re looking to start our season right by winning,” dagdag pa nito.

Tinalo ng Red Lions ang Blazers sa Filoil at Fr. Martin’s Cup.

“It’s tough for Benilde. We played against them in the Filoil, and we lost to them. We played in the Fr Martin, and we also lost to them,” ani Velasco sa San Beda. “We’re just hoping that we learned something from those previous encounters that we had, and that we can apply those to the opening game.”

Hangad ng Red Lions ang kanilang pang apat na sunod na NCAA crown.