Friends team mipilde sa Park 'N Go sa Power 40
CEBU, Philippines - Ang Friends quintet ni playing coach Atty. Flor Yosores mipahamtang sa Park 'N Go sa labing una nilang
pilde, 109-104 sa Power Forty President's Cup basketball tournament niadtong Martes didto sa Inayawan Sports
Complex.
Sa maong kadaugan, ang Friends nagbitbit na karon og 2-0 nga baraha, samtang ang Park 'N Go adunay 2-1
win-loss record.
Daku unta’g labaw ang Friends, 59-38 sa uwahing bahin sa second quarter, apan mikubol sila atol sa second
half ug ilang gitugotan ang Park ‘N Go nga makasikit sa final period sa giya nilang Jingjing Rama ug Michael Arias.
Ang three-pointer ni Arias maoy mipasikit sa Park ‘N Go ngadto na lang sa tres puntos nga biya, 102-105 sa
nahabiling 48.3 segundos sa duwa. Apan si Yosores mipasud sa iyang free throws sa nahabiling nuybe segundos nga maoy
miselyado sa kadaugan.
Hinuon, si Alex Mercado maoy topscorer sa Friends pinaagi sa iyang 29 puntos, gisundan ni Julian Capala
nga adunay 18 puntos.
Daw giharian si Rama sa duwa dihang miposa siya’g pito ka triples alang sa kinatibuk-an niyang 22 puntos
aron pangulohan ang Park 'N Go, samtang si Arias miabuno'g 18 puntos.
Sa sayo pa, ang AMBL midaog sab batok sa Akira, 81-74 sa pagpangulo ni Robert Abasolo kinsa miburak
og 21 puntos.
Puntos matag usa
Unang duwa:
AMBL (81) - R. Abasolo 21, Gaviola 11, Piezas 10, Fuentes 10, Flordeliza 10, Cabatas 8, Chiong 4,
Navares 4, Abasolo 2, Lim 2, Kalinga 2
Akira (74) - Cabaluna 14, Moniva 13, Dela rama 11, Matulin 11, Sumargo 7, Cabrera 7, Echavez 6, Labalan
2, Labrada 2, Sabejon 1
Ikaduhang duwa:
Friends (109) - Mercado 29, Capala 18, F. Yosores 12, Cabrera 11, Abarquez 10, Mabalcon 8, Tantay 7,
S. Yosores 6, Abasolo 4, Manturillas 2
Park ‘N Go (104) - J. Rama 22, Arias 18, Misa 17, Mosqueda 12, Dejacto 10, Nacional 9, Lisondra 7, G.
Rama 6, Dayota 5 (BANAT NEWS)
- Latest
