Columbia Eco Trail Run sa Hunyo 30
CEBU, Philippines - Agi'g pag-promote sa local tourism ug environmental awareness, ang Columbia, ang nag-unang outdoor sportswear brand, mopasiugda'g Columbia Eco Trail Run sa Hunyo 30 didto sa Danasan Eco Adventure Park sa Danao City.
Duha ka kategoriya mahimong pilian nga daganan sa mga partisipante, ang 12K ug 18K.
Ang mga entrante mosubay sa kombinasyon sa rough terrains, single track trail, riverbed ug uphill challenge course.
Mga ganting salapi gikan sa Columbia ang nagpaabot alang sa mga mananaog.
Sa 12K category, ang kampiyon makadawat og P5,000, ang second placer mobulsa og P3,000, samtang ang third makaangkon og P2,000. Samtang sa 18K, ang top three finishers makadawat og P8,000, P5,000 ug P3,000 matag usa. Ang tanang mga mananaog makaangkon sab og P1,000 nga gift certificates gikan sa Columbia.
Giawhag ang mga interesadong mosalmot sa pagparehistro sa dili pa ang Hunyo 15 didto sa Columbia SM Cebu, Columbia Limketkai, Columbia Centrio, Columbia Abreeza ug R.O.X. Ayala Cebu.
Ang registration nagkantidad og P700 sa 12K ug P900 sa 18K. (BANAT PALARO)
- Latest
