Sugbuanong judoka nakadawat og "Trophy of Excellence"
CEBU, Philippines - Usa ka Sugbuanong judoka nga si Joaquin Nicolo Fernandez ang gihatagan og "Trophy of Excellence" sa
Philippine Judo Federation tungod sa iyang dili tiaw nga performance nga gipakita atol sa POC-PSC Philippine National
Games (PNG) nga bag-o lang natapos didto sa kaulohan.
Si Fernandez angay'ng modawat sa maong dungog tungod sa kadaghang numero sa "ippon" kon highest score
sa juniors division.
Nakapaalinga kay si Fernandez mihipos og upat ka "ippons" nga nahimo sa usa ka martial arts sud lang sa 30
segundos o ubos.
Sa kinatibuk-an, si Fernandez mitapos sa iyang kampanya sa PNG bitbit ang usa ka gold medal sa juniors
division ug usa sab ka bronze sa seniors level alang sa Team Cebu City. Ang iyang kaubang Sugbuanon nga si Rey
Almecion nidaog sab og bronze medal. (BANAT NEWS)
- Latest
