Unang title defense ni sabillo sa July 13
CEBU, Philippines - Ang ALA Boxing Gym champion nga si Merlito 'Tiger' Sabillo (21-0, 11KOs) modepensa sa iyang WBO minimumweight title sa labing unang higayon batok ni Colombian challenger Jorle Estrada sa main event sa "Pinoy Pride XXI" sa Hulyo 13 didto sa Solaire Casino and Leisure Park sa Pasay City.
Kini ang gipahibalo ni ALA Promotions president Michael Aldeguer human mahingpit ang duha ka kontrata sa duha ka boksidor.
Ang garbo sa Negros Occidental nga si Sabillo bag-o lang misakmit sa kalibutanong bakus human niya gipaundang sa ikawalong hugna ang Colombian nga si Luis De La Rosa niadtong Marso 9 didto sa Coliseo San Vicente sa Colombia.
“Lots of fans haven’t seen him (Sabillo) fight that’s why we see this as a great chance for him to showcase his skills,†matud pa ni Aldeguer.
"We are very excited for Merlito because he will be the Philippine’s next boxing superstar, his style is different and he is definitely an exciting boxer."
Si Sabillo maoy ikaduhang world champion gikan sa ALA Boxing Gym sunod sa iyang katagilungsod ug two division world champion nga si Donnie 'Ahas' Nietes.
Gipahibalo usab ni Aldeguer nga moaway sa supporting main event ang laing Negrense nga si Arthur 'El Matador' Villanueva (21-0, 11KOs) nga mosuway pagsakmit sa WBO Asia Pacific super flyweight title batok ni Mexican Arturo Badillo (21-4, 19KOs).
Gipaabot usab ang comeback fight ni kanhi world title challenger AJ 'Bazooka' Banal (28-2, 20KOs) nga makigharong ni Mexican Ramon Maas (26-3, 15KOs) sa undercard.
- Latest
