3 ka teams wa gihapo'y pilde
CEBU, Philippines - Wala gihapon makatilaw og pilde ang University of San Carlos (USC), St. John's Institute (SJI) of Bacolod ug ingon man ang Ateneo de Iloilo (AdI) kinsa padayong nagmangtas atol sa naghinapos na nga CYBL VISMIN Goodwill Games 2013 didto sa SHS-Ateneo de Cebu Gym sa Canduman, Mandaue City.
Sa Small Basketeers Philippines division (Under 12), gibaraw sa St. John’s Institute ang USC, 58-49, ug dayon giyatakan nila ang Don Bosco, 66-25 aron magsolo sa liderato sa Group B.
Sa Group A, naka-ikyas ang AdI batok sa Xavier University (XU)-Ateneo de Cagayan, 46-43 alang sa ilang ika-upat nga sagunson nga daog aron sab maangkon ang solong liderato.
Sa laing sangka sa Group B, gilubong sa USC ang USJR, 57-18; midaug ang CEC batok sa UV, 51-40; gibihag sa UV ang USJR, 77-26 ug midaog ang CEC batok sa Don Bosco, 45-31.
Sa laing bahin, midaug ang SHS-Ateneo batok sa XU, 56-44; giyabo sa NOODA Warriors of Bacolod ang St. Benedict’s, 56-28 ug naka-ipsot ang XU batok sa Warriors, 38-35.
Ang Ad-I mao karo'y leader sa Group A sa ilang 4-0 record, nagsunod ang SHS-Ateneo (3-1), XU (2-2), Warriors (1-3) ug ang St. Benedict’s (0-4).
Ang SJI of Bacolod maoy leader sa Group B sa ilang 5-0 nagsunod kanila ang USC (4-1), CEC (3-2), UV (2-3), Don Bosco (1-4) ug ang USJR (0-5). Ang top four teams sa matag bracket maoy moabante ngadto sa quarterfinals.
Sa Passerelle division, mikulit sa ilang ikaduhang daog ang USC human ilang gipilde ang Ad-I sa iskor, 56-37 ug ila sab gipukan ang SJI, 55-41. Nakarekober ang Ad-I human sila modaug batok sa USJR 57-32 ug sa laing Passerelle games, midaug ang SHS-Ateneo batok sa Don Bosco A, 45-25 ug ila sab gibiktima ang Don Bosco B, 57-13.
Midaug pa gyud ang CEC batok sa Don Bosco B, 61-25 ug midaug ang Don Bosco A, 56-38 aron magpabilin sa ikatulong pwesto.
Gimakmak sa SJI ang USJR, 80-42 ug ang USC, mao na karo'y naglabaw sa team standings sa ilang 5-0, ug gisundan sa AdI (4-1), CEC (4-1), SHS-Ateneo (3-2), Don Bosco A (2-3), SJI (2-3) ug Don Bosco B (0-5) and USJR (0-5).
The third edition of the CYBL VISMIN Goodwill Games is an annual summer tournament featuring the top SBP and Passerelle teams from the Visayas and Mindanao. The visiting teams include SJI and the NOODA Warriors from Bacolod and Ateneo de Iloilo. (GGM)(BANAT NEWS)
- Latest
