Prime Asia/UV Lancers abante na sa finals
CEBU, Philippines - Gihashasan sa Prime Asia Lending/UV Lancers ang San Marino Tuna/CIT-U Wildcats, 83-67 aron maangkon ang unang luna sa finals sa Enervon CESAFI Partner's Cup basketball tournament sa miaging gabii didto sa Cebu Coliseum.
Kanunay naglabaw ang Prime Asia ug usa lang ka higayon sila nahulga human sa three-pointer ni Allan Dimco sa San Marino, 51-60 sa nahabiling 11 segundos sa third quarter.
Gikan niadto, ang Prime Asia wala na motugot nga makasikit pa ang San Marino ug ila sab gipakita kung unsang matanga sa duwa ang mahimo sa usa ka champion.
Ang Cameroonian recruit nga si Steve Cedrick Akomo maoy nangu sa opensa sa Prime Asia sa fourth period nga gilamasan og duha ka slam dunks.
Silang Wowie Escocio ug ang gamitoy'ng pointguard nga si John Michael Abad parehong mibahog og 17 puntos aron pangulohan ang Prime Asia samtang si Akomo miabuno og 16 puntos ug si Vincent Mendoza miamot og 14 puntos.
Si Dimco mao sab ang nangu sa San Marino sa iyang 23 puntos, gisundan ni Joshua dela Cerna nga adunay 17 puntos.
PUNTOS MATAG USA
Prime Asia (83) - Abad 17, Escocio 17, Akomo 16, Mendoza 14, Perolino 6, Codilla 4, Arong 3, Babia 2,
Cabañero 2, Octobre 2
San Marino (67) - Dimco 23, Dela Cerna 17, Taboada 7, Menguito 7, Graf 5, Infante 3, Tabalin 2, Eboña 2,
Taghoy 1
- Latest
