San Marino midemolis sa gaisano capital
CEBU, Philippines - Mikulit og dakung upset ang San Marino Tuna/CIT-U Wildcats dihang ilang gilubong ang Gaisano Capital
South/UC Webmasters, 101-79 sa ilang kampanya sa semifinals sa Enervon CESAFI Partner's Cup basketball
tournament sa miaging gabii didto sa Cebu Coliseum.
Apan ang San Marino Tuna, magsagubang og lisud nga misyon dihang ilang sangkaon ang walay pildeng Prime
Asia Lending/UV Lancers karong alas-5:45 sa hapon.
Maayo kaayong nakaduwa silang Vincent Menguito, Joshua dela Cerna, Allan Dimco ug Floyd Taboada alang
sa San Marino Tuna nga miposte og 53-33 nga bentaha sa halftime. Hinuon, ang Gaisano Capital mibawos aron mosikit,
60-66 sa nahabiling dos minutos sa third period, apan mao ra kadto ang labing maayo nilang nahimo.
Si Vincent Menguito maoy topscorer sa San Marino nga adunay 26 puntos, si Joshua dela Cerna miamot og
19 puntos, samtang sila si Allan Dimco ug Floyd Taboada miiskor og 18 puntos matag usa.
Ang Cameroonian nga si Arnud Noah miburak og 24 puntos alang sa Gaisano Capital sa wala pa siya ma-
thrown out sa duwa human makakuha og duha ka technical fouls sa nahabiling 21.6 segundos sa duwa.
Tungod niini, si Noah dili makaduwa sa ilang duwa batok sa Cebu Landmasters/USC Warriors karong alas-4
sa hapon. Si Kido Cabrera mihipos og 14 puntos, samtang silang Jan Auditor ug Gerald Ampoon
nagkumboya og 23 puntos alang sa Gaisano Capital nga kinahanglang modaog sa Cebu Landmasters sa sunod nilang
duwa aron magpabiling buhi. (BANAT BALITA)
PUNTOS MATAG USA
San Marino Tuna (101) - Menguito 26, Dela Cerna 19, Dimco 18, Taboada 18, Eboña 4, Taghoy 4,
Batiquin 3, Graf 3, Pono 2, Brigoli 2
Gaisano Capital (79) - Noah 24, Cabrera 14, Auditor 12, Ampoon 11, Yburan 9, Miranda 4, Misa 3
- Latest
