Herrera misaad og daog

CEBU, Philippines -  Masaligon ang Mexican fighter nga si Aaron  'Jewel' Herrera (25-1, 17KOs) nga iyang mapilde si WBO

International light welterweight champion Jason 'El Niño' Pagara (30-2, 19KOs) sa main event sa "Pinoy Pride XX: Laban

Kung Laban" fight card karong Sabado sa gabii didto sa Pacific grand ballroom sa Waterfront Cebu City Hotel and

Casino.

 Si Herrera nagkanayon nga misulong siya dinhi sa Sugbu  uban ang pagsalig nga iyang  mahuboan og bakus si

Pagara.

 "I came here 100% sure that I am going to get that belt," matud pa ni Herrera atol sa press conference

kagahapon didto sa Formo Restaurant and Lounge sa Banilad Town Centre (BTC). "I have been waiting my entire career

for this chance and all I can say to him (Pagara) is good luck."

 Matud ni Herrera nga nakadungog siya sa lab-as nga kadaugan sa iyang kababayan nga si Jose Ramirez, kinsa

 miparetiro ni  ALA Gym star Rey 'Boom Boom' Bautista niadtong Abril  4  didto sa Davao City ug   sundon kini niya

karong Sabado batok ni Pagara.

 Mitug-an ni Herrera nga iya na nga nakita ang   tapes sa mga away ni Pagara, apan wala siya mobilib sa estilo

sa away  sa 22-anyos nga  boksidor gikan sa   Cagayan de Oro City.

 "Yes I have seen videos of him but honestly I have nothing to be excited about, I can handle him, while me? I

can only say that I have power and both of my hands."

 Sa laing bahin, ang ubang mga protagonista ning hiniusang fight card sa ALA Promotions ug ABS-CBN

Sports mopakita sa media sa laing hugna sa press conference karong adlawa.

 Kini mao sila si Indonesian top super flyweight contender Isack Junior ug kanhi Mexican WBC lightweight

champion Jose  Emilio Perea. Si Junior (20-3-2, 8KOs) makigharong sa walay pildeng WBO Asia-Pacific super

bantamweight champion Genesis 'Azukal' Servania (19-0, 7KOs), samtang si Perea (22-2, 14KOs) mohagit ni reigning

WBO Oriental light welterweight titlist Jimrex 'The Executioner' Jaca (37-6-3, 21KOs) sa supporting bout. (BANAT NEWS)